Þrjár eftirminnilegar innkomur Eiðs Smára á árinu 2013

Eiður Smári Guðjohnsen átti enn eina flotta innkomuna í íslenska landsliðið þegar hann kom inn á sem varamaður í hálfleik í 4-4 jafnteflinu á móti Sviss í Bern í gær.

Helgi Valur Daníelsson fann sig engan vegin á miðju íslenska liðsins og gerði sig sekan um ótrúlegar margar lélegar sendingar. Sóknarleikur íslenska liðsins náði sér því ekki á strik.

Það var allt annað að sjá Eið Smára koma inn í sömu og koma sóknarleiknum í gírinn. þetta er í þriðja sinn sem Eiður Smári kemur inn á sem varamaður og breytir leik íslenska liðsins.

Eiður Smári var í byrjunarliðinu í fyrsta leik ársins þegar Ísland tapaði 0-2 í vináttulandsleik á móti Rússum í febrúar en síðan þá hefur Eiður ekki fengið að byrja.

Hér fyrir neðan má sjá yfirlit yfir þrjár magnaðar innkomur hjá Eiði Smára í landsleikjum á árinu 2013:

Slóvenía - Ísland 1-2 (22. mars 2013, undankeppni HM)

Eiður Smári kemur inn á fyrir Emil Hallfreðsson á 76. mínútu þegar staðan er 1-1. Hann leggur upp sigurmark Gylfa Þórs Sigurðssonar aðeins tveimur mínútum síðar.

Ísland - Færeyjar 1-0 (14. ágúst 2013, vináttuleikur)

Eiður Smári kemur inn á fyrir Emil Hallfreðsson á 46. mínútu þegar staðan er 0-0. Hann leggur upp sigurmark íslenska liðsins þar sem Birkir Bjarnason skaut í Kolbein Sigþórsson. Eiður Smári var frábær í leiknum og íslenska liðið átti að skora miklu fleiri mörk.

Sviss - Ísland 4-4 (6. september, undankeppni HM)

Eiður Smári kemur inn á fyrir Helga Val Daníelsson á 46. mínútu þegar staðan er 3-1 fyrir Sviss. Íslenska liðið lendir 1-4 undir en tekur síðan yfir leikinn síðasta hálftímann og tryggir sér jafntefli með þremur mörkum.

Samantekt:

Íslenska liðið hefur unnið þær 114 mínútur sem Eður Smári hefur spilað í þessum þremur leikjum með markatölunni 5-1. Eiður Smári kom einnig inn á móti Slóveníu í 2-4 tapi á Laugardalsvellinum þar sem hann þurfti að leysa af fyrirliðanna Aron Einar Gunnarsson sem fór meiddur af velli. Þær 38 mínútur töpuðust 0-2.