Loksins sigur hjá Club Brugge

Club Brugge batt endi á þriggja leikja taphrinu þegar liðið lagði Lokeren 1-0 í belgísku úrvalsdeildinni í fótbolta í dag. Eiður Smári lék síðustu 20 mínútur leiksins.

Eiður Smári kom inn á sem varamaður á 69. mínútu fyrir markaskorarann Tom De Sutter sem skoraði eina mark leiksins á 21. mínútu.

Club Brugge lyfti sér upp í þriðja sæti deildarinnar með sigrinum en liðið er með 29 stig, fjórum stigum minna en topplið Standard Liege.

Lokeren er með 23 stig í 7. sæti.