Jafntefli hjá Eiði Smára

Eiður Smári Guðjohnsen var í byrjunarliði Club Brugge sem missti niður 2-0 forystu gegn Charleroi á útivelli í dag.

Eiður Smári spilaði fyrstu 67 mínútur leiksins en Charleroi jafnaði metin með tveimur mörkum á átta mínútna kafla í síðari hálfleik.

Ólafur Ingi Skúlason kom inn á sem varamaður þegar að Zulte Waregem hafði betur gegn Lierse, 3-0.

Club Brugge, Zulte Waregem og Anderlecht eru öll með 40 stig í 2.-4. sæti deildarinnar en Standard Liege er á toppnum með 44 stig.