Tevez með þrennu

Carlos Tevez skoraði sína fyrstu þrennu fyrir Juventus er liðið vann 4-0 sigur á Sassuolo í ítölsku úrvalsdeildinni í dag.

Juventus er að jafna sig eftir að hafa fallið úr leik í riðlakeppni Meistaradeildar Evrópu en liðið er þó með sex stiga forystu á toppi deildarinnar á Ítalíu eftir sigur kvöldsins.

Roma er í öðru sæti með 37 stig en Napoli kemur þar á eftir með 32 stig. Napoli hafði betur gegn Inter í dag, 4-2.

Gonzalo Higuain, Dries Mertens, Blerim Dzemaili og Jose Callejon skoruðu mörk Napoli en Esteban Cambiesso og Yuto Nagatomo fyrir Inter.

Inter er í fimmta sæti deildarinnar með 28 stig.