Náðu stjórn á ómannaðri vél

Bandarískum tölvunarfræðingum tókst að hakka sig inn í stjórnkerfi ómannaðrar flugvélar af sömu gerð og bandaríska leyniþjónustan notar til loftárása og ná þannig stjórn á flugvélinni.

Með því tóku vísindamennirnir áskorun bandaríska heimavarnarráðuneytisins, sem hafði heitið þeim 1.000 bandaríkjadölum sem gæti hakkað sig inn í stýrikerfi ómannaðra flugvéla, að því er segir í frétt BBC.

Talið er mögulegt að sams konar tölvuárás hafi grandað ómannaðri flugvél leyniþjónustunnar yfir Íran á síðasta ári. - bj