Embættismenn pissi sitjandi

Vinstri flokkurinn í Sörmland í Svíþjóð leggur til að karlkyns embættismenn verði skyldaðir til að sitja þegar þeir kasta af sér vatni á salernum lénsþingsins.

Ástæðurnar eru sagðar tvær, að því er greint er frá á vef Svenska Dagbladet.

Í fyrsta lagi á enginn að þurfa að stíga í þvag sem skvest hefur á gólfið. Í öðru lagi sýna niðurstöður rannsókna að þvagblaðran tæmist betur þegar pissað er sitjandi en það er talið geta dregið úr hættunni á vandamálum með blöðruhálskirtilinn. -ibs