Þjóðaratkvæðagreiðsla ákveðin á Falklandseyjum

Íbúar á Falklandseyjum munu ganga til þjóðaatkvæðgreiðslu á næsta ári um hvort þeir vilji tilheyra Bretlandseyjum áfram eða Argentínu.

Heimastjórn eyjanna sagði frá þessari atkvæðagreiðslu í gærdag en skammt er í að 30 ár séu liðin frá árás Argentínumanna á eyjarnar. Breski flotinn náði þá að hrekja argentínska herinn frá eyjunum á næstu 30 dögum.

Í frétt um málið á vefsíðu BBC segir að með þjóðaatkvæðagreiðslunni vilji heimstjórnin staðfesta í eitt skipti fyrir öll að það sé vilji eyjarbúa að tilheyra Bretum. Tilkynningin um þjóðaratkvæði kemur á þeim tíma þegar samskipti Breta og Argentínumanna hafi ekki verið verri síðan í stríðinu sumarið 1982.

Argentínumenn hafa sett hafnarbann á bresk flutningaskip þar í landi og krefjast þess að fá full yfirráð yfir eyjunum. Falklandseyjar hafa hinsvegar verið undir breskum yfirráðum síðan árið 1833. Undan ströndum þeirra hefur nýlega fundist mikið magn af olíu.