Santos staðfestir viðræður við Robinho

Allar líkur eru nú taldar á því að brasilíski knattspyrnumaðurinn Robinho, sem leikur með AC Milan, sé á förum til heimalands síns á ný. Forseti Santos, Luis Alvaro Ribeiro, hefur staðfest skriflegt tilboð Santos í leikmanninn og er líklegt að af sölunni verði í janúar næstkomandi.

Ribeiro segir enn bæri á milli þess sem leikmaðurinn vill fá í laun og það sem Santos er að bjóða honum. „Þetta eru ekki auðveldar samningaviðræður en við vitum niðurstöðuna innan viku," sagði Ribeiro við fréttamenn.

Ekki hefur enn verið talað um kaupverð Santos á Robinho en brasilískir fjölmiðlar halda því fram að Santos láti miðjuleikmanninn Felipe Anderson í skiptum og einhverja fjárhæð að auki.