Fjórtán ára á ofsahraða: Vistuð á viðeigandi stofnun

14 ára stúlka, sem ók bíl á ofsa hraða á flótta undan lögreglunni laust fyrir miðnætti, og hafnaði loks á ljósastaur við Sæbraut, reyndist hafa verið undir áhrifum fíkniefna. Hún hefur verið vistuð á viðeigandi stofnun.

Lögreglunni var tilkynnt undir kvöld um að stúlkan hafi tekið bilinn ófrjálsri hendi af fósturforledrum sínum. Lögreglumenn á eftirlitsför sáu svo til bílsins á Breiðholtsbraut undir miðnætti og gáfu stöðvunarmerki, sem stúlkan sinnti ekki. Hún jók hraðann og ók inn á Reykjanesbraut til norðurs og þaðan inn á Sæbraut, en á móts við Holtagarða missti hún stjórn á bílnum með fyrrgreindum afleiðingum og er bíllinn gjör ónýtur.

Áður hafði hún mælst á 140 kílómetra haraða. Þegar lögreglumenn, sem haldið höfðu í humátt á efitr henni komu á vettvang, tók hún til fótanna, en þeir hlupu hana uppi. Hún var flutt með sjúkrabíl á Slysadeild,til aðhlynningar, en slapp ótrúlega lítið meidd að sögn lögreglu, þar sem hún var ekki heldur í bílbelti þegar slysið varð.

Eftir samráð við barnaverndaryfirvöld og fósturforeldrana var hún flutt á viðeigandi stofnun, þar sem hún hefur nokkrum sinnum áður haft viðdvöl