Fagnar hugmyndum um yfirtöku á álversverkefninu

Forseti bæjarstjórnar Norðurþings fagnar hugmyndum svissneska álfyrirtækisins Klesch um að fá að taka yfir álverksverkefni Alcoa. Fyrirtækið vill reisa meðalstórt álver við Húsavík og segist geta hafið rekstur innan tveggja ára frá undirritun samninga.

Fyrirtækið rekur þrjú álver, tvö í Hollandi og eitt í Þýskalandi. Eins og kom fram í fréttum Stöðvar 2 í gær hefur eigandi fyrirtækisins, Gary Klesch, sent stjórnvöldum ósk um að fá taka yfir Alcoa verkefnið á Bakka. Hann vill reisa meðalstórt álver og telur sig geta hafi rekstur innan tuttugu og fjögurra mánaða frá undirritun samninga.

Gunnlaugur Stefánsson, forseta bæjarstjórnar Norðurþings, fagnar þessari hugmynd en Klesch hingað til lands í síðasta mánuði til að skoða aðstæður. „Hann kom hér fyrir örfáum vikum og hitti starfsmenn hjá sveitarfélaginu og skoðaði aðstæður og leist ágætlega á og sendi bréf og lýsti yfir skýrum vilja að koma að þessu verkefni," segir Gunnlaugur.

Gunnlaugur segist ekki geta svarað því hvort það sé raunhæft að gera ráð fyrir að rekstur hefjist innan tvegja ára frá undirritun. „Ég get ekki svarað því. Hann telur frá sinni hálfu að hann geti gert þetta á 24 mánuðum. Ég ætla ekki að rengja það en það þurfa aðrir aðilar eins og orkusalinn og sveitarfélagið að skoða hvort þeir geti verið með sitt tilbúið að svona skömmum tíma en við fögnum því að hann sé tilbúinn til þess að gera þetta hratt og vel," segir Gunnlaugur.

Gunnlaugur segir að verkefnið gæti haft mikla þýðingu fyrir sveitarfélagið. „Það er alvegt ljóst að ef þetta verkefni eða eitthvað af þeim öðrum verkefnum sem við erum með í gangi ef að þau fara af stað hefðu þau gríðarleg áhrif hér í þingeyjarsýslum það er það sem við höfum verið að vinna að mjög lengi að fá atvinnuuppbyggingu hér byggða á auðlindum þessa svæðis," segir Gunnlaugur.