Réttlætanlegt að borga ekki Icesave

Íslensk stjórnvöld vísa kröfum ESA, Eftirlitsstofnunar EFTA, vegna Icesave málsins á bug og krefjast þess að þeim verði hafnað. Þetta kemur fram í greinargerð sem íslensk stjórnvöld sendu EFTA dómstólnum í gær.

ESA stefndi íslenska ríkinu til EFTA dómstólsins í desembermánuði síðastliðnum vegna Icesave málsins.

Í greinargerð sem íslensk stjórnvöld sendu dómstólnum í gær er öllum kröfum ESA vísað á bug og þess krafist að EFTA dómstólinn hafni kröfugerð stofnunarinnar.

Í greinargerðinni, sem er 75 blaðsíður að lengd, er meðal annars vísað til þess að innistæðutilskipunin hafi verið réttilega innleidd á Íslandi og þá er því að hafnað að innistæðueigendum hafi verið mismunað.

Tim Ward, aðamálflytjandi Íslands í málinu, segir að jafnvel þó að um mismunun hafi verið ræða hafi hún verið réttlætanleg.

„Jafnvel þótt þetta hafi verið einhvers konar mismunun var hún réttlætanleg því hún var hluti af björgunaraðgerðum þar sem mikið var í húfi fyrir íslenska bankakerfið og íslenskt efnahagslíf líka," segir Ward.

ESA fær nú frest til að bregðast við greinargerð Íslenskra stjórnvalda með því að leggja fram andsvör en gera má ráð fyrir því að munnlegur málflutningur fari fram í lok þess árs.