Innlent

Ótrúlega erfiðar aðstæður við björgun sjómannsins

Olver Arnes var í áhöfn þyrlunnar sem bjargaði sjómanninum.
Olver Arnes var í áhöfn þyrlunnar sem bjargaði sjómanninum. Mynd: Sondre Dalaker / NRK
Norski þyrluflugmaðurinn Olver Arnes segir í viðtali við NRK að björgunaraðgerðir á Norðurhafi í gærdag hafi verið einstaklega erfiðar. Hann var á annarri björgunarþyrlunni af tveimur, sem var við leit, þegar Hallgrímur SI-77 sökk í gærdag.

Þrír karlmenn á sextugsaldri eru taldir af. Einum manni var bjargað eftir að hann hafði verið í sjónum í tæpa fjórar klukkustundir.

Arnes segir í viðtali við NRK að aðstæður hafi verið erfiðar, enda gríðarlega vont veður. Þannig lýsir hann því að ölduhæð hafi verið 15 til 20 metrar á hæð.

Hallgrímur sökk tæplega 300 kílómetrum frá landi og því tók það þyrlurnar rúmlega klukkustund að fljúga á svæðið. Þannig hafði áhöfnin aðeins hálftíma til þess að leita að sjómönnunum áður en þeir þurftu að snúa við til þess að fylla á tank vélarinnar.

Arnes segir að þeir hafi komið auga á sjómanninn, sem var bjargað, rúmlega fimm í gær. Hann hélt í tóma olíutunnu auk þess sem hann var í flotbúning. Arnes segir Íslendinginn, sem var yngstur af sjómönnunum um borð, hafa verið í ótrúlega góðu ástandi, bæði líkamlega og andlega.


Tengdar fréttir

Sjómaðurinn vel á sig kominn - þriggja enn leitað

Maðurinn, sem var bjargað úr sjónum síðdegis, er kominn í land, og er vel á sig kominn. Þriggja er enn saknað eftir að íslenskur togari sökk um 270 kílómetrum norðvestur af Stad sem er nærri Álasundi.

Tveir mannanna frá Suðurnesjum

Tveir af sjómönnunum þremur sem eru taldir af eftir að togarinn Hallgrímur SI-77 fórst í Noregshafi í gærdag, eru frá Suðurnesjum. Ekki er hægt að greina frá nöfnum þeirra að svo stöddu. Þetta kemur fram á vef Víkurfrétta.

Sjómaðurinn var í þrjár og hálfa klukkustund í sjónum

Íslenski sjómaðurinn, sem var bjargað úr Noregshafi í gærdag, var búinn að vera í þrjár og hálfa klukkustund í sjónum þegar þyrlu norsku gæslunnar fann hann. Maðurinn var vel búinn enda komst hann í flotbúning áður en togarinn Hallgrímur SI-77 sökk í gærdag.

Íslenskt skip sökk nærri Noregi - þriggja saknað

Landhelgisgæslunni barst kl. 13:14 neyðarkall frá íslensku togskipi með fjóra menn um borð sem var staðsett innan norskrar lögsögu eða 150 sjómílur Norðvestur af Álasundi í Noregi.

Átti að selja skipið í brotajárn - fárviðri á svæðinu

Skipið, sem sökk nærri Noregi, var á leiðinni þangað þar sem selja átti það í brotajárn. Ekki er gefið upp hvað togarinn heitir en þriggja manna er saknað eins og Vísir hefur greint frá eftir að skipið sökk fyrr í dag. Norskir fjölmiðlar telja að þeir séu allir Íslendingar.

Togarinn sem sökk heitir Hallgrímur SI-77

Búið er að greina frá nafni skipsins sem sökk í Noregi í fjölmiðlum þar í landi. Togarinn heitir Hallgrímur SI-77 og er frá Siglufirði. Búið er að ná í alla aðstandendur mannanna sem voru um borð í togaranum. Eins og greint hefur verið frá þá hefur einum manni verið bjargað. Hann var fluttur til Álasunds og er ástand hans gott.

Mennirnir taldir af - leit hætt

Mannana þriggja, sem leitað var nærri Noregi eftir að togarinn Hallgrímur IS-77 sökk, eru taldir af samkvæmt norskum fjölmiðlum. Einum var bjargað á sjötta tímanum í dag. Hann er við góða heilsu.

Fundu mannlausan björgunarbát

Aftenposten í Noregi greinir frá því að leitarmenn hafi fundið mannlausan björgunarbát í kvöld. Þriggja manna er saknað eftir að skipið Hallgrímur SI-77 sökk um 270 kílómetrum frá Stad, nærri Álasundi, um klukkan hálf tvö í dag.

Mest lesið


Fleiri fréttir

Sjá meira


×

Mest lesið