Mennirnir taldir af - leit hætt

Mannana þriggja, sem leitað var nærri Noregi eftir að togarinn Hallgrímur IS-77 sökk, eru taldir af samkvæmt norskum fjölmiðlum. Einum var bjargað á sjötta tímanum í dag. Hann er við góða heilsu.

Leit hefur verið hætt vegna veðurs. Fárviðri er á svæðinu og því er ekki hægt að leita að mönnunum lengur á flugi.

Talsmaður björgunarsveitanna í Noregi, sem leituðu mannanna, sagði allar líkur á mennirnir væru látnir.

Landhelgisgæslunni á Íslandi og í Noregi bárust neyðarkall um klukkan hálf tvö í dag. Þyrla gæslunnar í Noregi fann svo einn mann á lífi í sjónum rétt rúmlega fimm síðdegis.

Nokkru síðar fannst mannlaus björgunarbátur. Flugvél á vegum norska hersins hefur verið snúið við vegna veðurs en hún hefur verið á flugi á svæðinu síðan um kvöldmatarleytið.

Skipið, Hallgrímur, var selt í brotajárn í Noregi. Alls voru fjórir menn um borð í skipinu, sem var smíðað árið 1974. Það er útgerð á Siglufirði sem á skipið.

Allir mennirnir eru íslenskir.