Appelsínuguli dagurinn er í dag

Appelsínuguli dagurinn er í dag en átakinu er ætlað að vekja athygli á baráttu gegn kynbundnu ofbeldi.

Dagurinn í dag er fjórði appelsínuguli dagurinn en hann hefur verið haldinn 25. hvers mánaðar síðustu þrjá mánuði.

Það er nýstofnað ungmennaráð UN Women sem heldur utan um dagskrá appelsínugula dagsins þetta skiptið, en dagurinn er sérstaklega tileinkaður Malala Yousafzai, ungu stúlkunni sem var skotin í Pakistan fyrir að berjast fyrir menntun og réttindum kvenna.

Í kvöld verður svo dagskrá á Kex Hostel í kvöld. Þar verða Unnur Ösp, leikkona og Hanna Björg Vilhjálmsdóttir, kynjafræðikennari, með erindi auk þess sem hljómsveitirnar Ylja, Elín Ey og Ljósvaki spila.

Hér að ofan má sjá stutt myndskeið sem gert var til að vekja athygli á appelsínugula deginum.