Opið hús hjá Stígamótum

Opið hús verður hjá Stígamótum í dag í tilefni af alþjóðlegum baráttudegi kvenna. Stígamót halda upp á afmæli sitt á þessum degi og gefa út ársskýrslu sína af því tilefni.

Víða annars staðar er einnig haldið upp á daginn. Hátíðardagskrá verður í Iðnó þar sem sjö konur halda erindi auk þess sem skemmtiatriði verða. Viðskiptaráð Íslands stendur fyrir fundi á Hilton um mikilvægi góðra stjórnarhátta og fjölbreytni í stjórnum fyrirtækja. Á Grand hóteli verður haldinn fundur um starfslok kvenna. Á Akureyri býður Jafnréttisstofa til fundar á Hótel Kea þar sem Kvennaframboðsins verður minnst, en í ár eru þrjátíu ár frá stofnun þess.- þeb