Þinghaldi lokið í dag

Fjórða degi aðalmeðferðarinnar í máli Alþingis gegn Geir Haarde lauk um klukkan fjögur í dag. Dagurinn byrjaði á skýrslutökum yfir Jóni Þór Sturlusyni sem var aðstoðarmaður viðskiptaráðherra í hruninu Því næst kom Jónas Fr. Jónsson, fyrrverandi forstjóri Fjármálaeftirlitsins.

Á eftir honum kom svo Hreiðar Már Sigurðsson, fyrrverandi forstjóri Kaupþings, en segja má að vitnisburður hans hafi verið hápunktur dagsins þar sem hann fór hörðum orðum um fyrrverandi stjórnendur Seðlabankans.

Einnig gáfu skýrslu Rúnar Guðjónsson, framkvæmdastjóri Samtaka fjármálafyrirtækja, Rúnar Guðmundsson frá FME, Þorsteinn Már Baldvinsson fyrrverandi stjórnarformaður í Glitni og síðast var talað við Jónínu S. Lárusdóttur fyrrverandi ráðuneytisstjóri í Viðskiptaráðuneytinu.