Veigar Páll í "floppliði" ársins hjá Aftenposten

Veigar Páll Gunnarsson, sem nýverið samdi við Stjörnuna í Garðabæ, er í „flopp" -liði ársins hjá norska dagblaðinu Aftenposten. Veigar átti frábær tímabili í herbúðum Stabæk þar sem hann varð m.a. norskur meistari en hann átti erfitt uppdráttar hjá Vålerenga í Osló.

„Það muna allir eftir drauma- sóknar dúettnum hjá Stabæk, Veigari Páli og Daniel Nannskog. Veigar var seldur til Vålerenga, þar sem að Íslendingurinn fékk lítið traust hjá Martin Andresen þjálfara liðsins. Veigar fór að nýju „heim" til Stabæk, en náði ekki að uppfylla þær væntingar sem gerðar voru til hans," segir m.a. í Aftenposten.

Flopplið ársins má skoða nánar með því að smella hér.