Gerrard verður ekki með í kvöld en Suarez leikur

Liverpool mætir Udinese í lokaumferð Evrópudeildarinnar í kvöld og fer leikur liðanna fram í Udine á Ítalíu. Liverpool verður án fyrirliða síns, Steven Gerrard, sem er veikur og fór ekki með liðinu til Ítalíu. Lucas Leiva og Daniel Agger voru einnig skildir eftir heima.

Luiz Suarez verður í byrjunarliðinu en hann verður í leikbanni á sunnudag í deildinni þegar rauði herinn mætir West Ham. Liverpool tryggir þátttöku sína í 32-liða úrslit með sigri en verði jafntefli þarf Liverpool að treysta á að Young Boys geri jafntefli eða tapi heima fyrir Anzhi Makhachkala. Tapi Liverpool í kvöld er Evrópudraumur þeirra úti.

Leikur liðanna í kvöld verður sýndur beint á Stöð2 Sport klukkan 17.55.