Eiður skoraði sitt sjötta mark í vetur

Eiður Smári Guðjohnsen var eina ferðina enn á skotskónum fyrir Cercle Brugge í kvöld. Hann skoraði þá mark liðsins í 1-1 jafntefli gegn OH Leuven.

Mark Eiðs Smára kom úr víti í uppbótartíma fyrri hálfleiks. Þetta var sjötta mark Eiðs Smára fyrir félagið.

Það var á brattann að sækja fyrir Brugge lungann úr leiknum því liðið missti mann af velli með rautt spjald eftir 36 mínútur.

Arnar Þór Viðarsson var einnig í liði Brugge í kvöld sem situr enn í neðsta sæti belgísku úrvalsdeildarinnar. Stefán Gíslason lék allan leikinn fyrir Leuven.

Ólafur Ingi Skúlason spilaði síðustu 13 mínúturnar fyrir Zulte Waregem í kvöld er liðið vann 1-2 útisigur gegn Kortrijk. Zulte er í öðru sæti deildarinnar.