Nefsprey getur komið í veg fyrir framhjáhald

Niðurstöður nýlegrar rannsóknar gefa til kynna að boðefnið oxytocin, sem oft hefur verið kallað „ástarhormónið," gæti alfarið komið í veg fyrir framhjáhald.

Það voru þýskir vísindamenn sem stóðu að baki rannsókninni. Alls tóku 57 gagnkynhneigðir karlmenn þátt í tilrauninni en helmingur þeirra átti í ástarsambandi þegar rannsóknin fór fram.

Allir fengu mennirnir nokkra skammta af oxytocin og það með nefspreyi. Í ljós kom að þeir sem fengu efnið héldu sig að jafnaði í meiri fjarlægð frá myndarlegum konum sem þeir þekktu ekki. Sá hópur sem fékk lyfleysu var yfirleitt 10 til 15 sentímetrum nær konunum.

Seinna meir lýstu karlarnir konunum sem myndarlegum.

Niðurstöður þýsku vísindamannanna verða birtar vísindatímarítinu The Journal of Neuroscience á morgun. Þeir halda því fram að þessi notkun á oxytocin endurspegli rannsóknir þeirra á dúfum en áður hafði komið í ljós að hormónið skipti sköpum í makaleit fuglanna.

Talið er að oxytocin geti stuðlað að auknu traustu meðal para og geti að sama skapi styrkt tengsl foreldra við börn sín.