Noregur lagði Belgíu og skellti sér í toppsætið

Norska kvennalandsliðið í knattspyrnu lagði Belgíu 3-2 í viðureign þjóðanna í Osló í dag. Með sigrinum skellti Noregur sér í toppsæti riðilsins í undankeppni EM.

Elise Thornes kom heimakonum yfir strax á 4. mínútu og Norðmenn leiddu 1-0 í hálfleik. Síðari hálfelikur var tiltölulega nýhafinn þegar Isabell Herlovsen bætti við öðru marki og staða þeirra norsku góð.

Tessa Wullaert minnkaði muninn á 54. mínútu en Marit Christensen endurheimti tveggja marka forystu Norðmanna með marki á 61. mínútu.

Norðmenn skoruðu í upphafi fyrri hálfeiks og þess síðari og náðu 2-0 forystu. Gestirnir minnkuðu muninn á 54. mínútu en Marit Christensen jók forystu Norðmanna aftur á 61. mínútu.

Belgar minnkuðu muninn með marki varamannsins Annaelle Wiard stundarfjórðungi fyrir leikslok. Norsku stelpurnar fögnuðu hins vegar 3-2 sigri og efsta sæti riðilsins.

Íslenska liðið getur endurheimt toppsætið með sigri á Norður-Írum en leikur liðanna á Laugardalsvelli stendur yfir.



Stöðuna í riðlinum má sjá hér.