Garðar með bæði mörk Skagamanna í sigri á Fylki - myndir

Garðar Bergmann Gunnlaugsson var hetja Skagamann í sigri á Fylki í Pepsi-deild karla í kvöld þegar hann skoraði bæði mörk liðsins þar af sigurmarkið tíu mínútum fyrir leikslok.

Garðar var ekki búinn að skora síðan 20. júní en fann aftur skotskóna sína í kvöld. Þetta var í annað skiptið í sumar sem hann tryggði Skagaliðinu þrjú stig með marki undir lokin en hann gerði slíkt hið sama á móti Keflavík í maí.

Guðmundur Bjarki Halldórsson, ljósmyndari Vísis og Fréttablaðsins, á leik ÍA og Fylkis á Akranesvelli í kvöld og tók þessar myndir. Myndirnar má sjá í albúminu hér að neðan. Hægt er að sjá myndirnar stærri með því að smella á þær.