Spænska fótboltaliðið byrjar ekki vel á Ólympíuleikunum

Spánn tapaði 0-1 á móti Japan í fyrsta leik sínum í fótboltakeppni Ólympíuleikanna í London en spænska liðið þurfti að spila manni færri frá 41. mínútu leiksins. Sigurganga Spánverja hefur verið nær samfelld síðustu ár í alþjóðlegum fótbolta og því koma þessi úrslit mjög á óvart.

Yuki Otsu skoraði eina mark Japana á 34. mínútu leiksins og Spánverjinn Inigo Martínez fékk sitt annað gula spjald sjö mínútum síðar. Japanska liðið fékk ótal dauðafæri í seinni hálfleiknum en tókst ekki að bæta við marki.

Japanar fögnuðu sigrinum gríðarlega í leikslok og markaskorarinn Yuki Otsu grét sem dæmi af gleði.

Hondúras og Marokkó gerðu 2-2 jafntefli í hinum leiknum í þessum riðli þar Marókkó-liðið komst í 1-0 áður en Hondúras svaraði með tveimur mörkum. Marokkó tryggði sér síðan stig með því að jafna leikinn aðeins tveimur mínútum eftir að Hondúras tók forystuna í leiknum.