Vel skipulagður skilnaður

Útlit er fyrir að Katie Holmes hafi lengi skipulagt skilnaðinn við Tom Cruise. Í byrjun júní pantaði hún nýja farsíma handa sjálfri sér og starfsfólki með nýjum númerum sem enginn hefur aðgang að.

Holmes tók einnig á leigu íbúð á Manhattan um miðjan júní. Cruise vissi að hún væri flutt þangað en hélt það væri af öðrum ástæðum. Samkvæmt heimildum People magazine sagðist hún heldur vilja vera þar því hún gæti keyrt inn í bílakjallara byggingarinnar og þannig sloppið frá áreiti ljósmyndara. Í síðustu viku kom svo faðir hennar, Martin Holmes, til New York og hjálpaði henni að skipta út starfsfólki þeirra hjóna og ráða nýtt öryggislið.

Fréttir herma að Cruise hafi ekkert vitað um áfrom Katie.