Sveppi og Pétur Jóhann hræddir í Barcelona

Vísir frumsýnir hér nýtt atriði úr öðrum þætti Evrópska draumsins. Sveppi og Pétur Jóhann, sem skipa liðið Gamli gamli, eru komnir á hótel í Barcelona á Spáni. Þar pípir tölvan, sem þýðir að nýtt verkefni bíður þeirra.

Inni á herbergi finna þeir síðan tvo Real Madrid-búninga, sem þeir þurfa að klæðast og fara síðan á Camp Nou, heimavöll Barcelona-liðsins. Strákarnir vita varla í hvorn fótinn þeir eiga að stíga enda eru aðdáendur Barcelona frægir hatursmenn Real Madrid.

Evrópski draumurinn er á dagskrá Stöðvar 2 á föstudaginn klukkan 20.05.