Neville: Menn mega ekki láta Balotelli trufla einbeitinguna

Gary Neville, fyrrverandi leikmaður enska landsliðsins, hefur rætt við leikmenn enska landsliðsins og ráðlagt þeim að forðast samskipti við Mario Balotelli, leikmann Ítalíu, þegar liðin mætast í 8-liða úrslitum Evrópukeppninnar í knattspyrnu síðar í dag.

Neville er partur af þjálfarateymi Englands og hefur gríðarlega mikla reynslu frá stórmótum. Þessi fyrrum fyrirliðið landsliðsins telur að Balotelli geti haft áhrif á einbeitingu leikmanna Englands og menn eigi alls ekki að reyna espa Ítalann upp til að koma honum af velli með rautt spjald.

Neville telur að það geti snúist í höndunum á Englendingum og menn eigi hættu á að fá refsingar fyrir slíkt athæfi.

„Ef menn fara í leikinn með hugann við Balotelli og með það markmið að koma leikmanninum útaf með rautt spjald, mun það líklega hafa öfug áhrif," sagði Neville í viðtali við enska fjölmiðla.

„Þetta er það mikilvægur leikur að menn verða að vera með fulla einbeitingu og menn eins Balotelli mega ekki fara inn í hausinn á okkar mönnum."