Tyson er fallegasti bolabíturinn

Tveggja ára gamall hvolpur, Tyson, var valinn sá fallegasti í árlegri fegurðarsamkeppni bolabíta í Iowa í Bandaríkjunum fyrr í vikunni.

Tyson þykir afar myndarlegur og eru fallegt trýni og heillandi persónuleiki einkennismerki hans.

„Hann er ansi lítill," sagði Tyler Motter, eigandi Tysons. „En persónuleiki hans er risavaxinn."

Tyson sigraði 49 hvolpa í samkeppninni. Er þetta í 33. skipti sem hún er haldin.

Á meðal þeirra sem lutu í lægra haldi fyrir Tyson voru RocketMan, Matilda og hinn feitlagni Chief McBeef.

Dómnefnd valdi sex hvolpa sem fóru í úrslit. Þeir sem komust ekki áfram gátu samt sem áður keppt um titla eins og „Herra yndislegur" og „Flottasti búningurinn" en það var hann Fletcher sem hlaut þann heiður. Fletcher var klæddur sem risavaxin steikarsamloka.

En valdatíð Tysons hófst því miður með ósköpum. Hvolpurinn féll úr hásætinu og endaði á trýninu, frammi fyrir dómnefnd og æstum aðdáendum.

Tyson endurheimti þó reisn sína þegar verðlaunin voru afhend - glæsilegt terta sem hann gleypti í nokkrum bitum.