Óttast að nýr raðmorðingi sé kominn á kreik í Frakklandi

Óttast er að raðmorðingi sé að verkum í Frakklandi eftir að fjögur morð hafa verið framin frá því í nóvember. Morðin voru öll framin í París eða í nágrenni við París og leikur grunur á að þau hafi öll verið framin með sömu byssunni. Síðast var morð framið á fimmtudaginn. Innanríkisráðherrann Claude Gueant hét því að allt yrði gert til þess að leysa málið. Morðinginn flúði á mótorhjóli eftir hvert skiptið, eins og morðinginn í Toulouse en ekki hafa verið gefnar upp neinar ástæður fyrir morðunum.