Stjórnvöld í Barein ætla ekki að framselja Abdulhadi

Yfirvöld í Barein ætla ekki að framselja danska ríkisborgarann Abdulhadi al-Khawaja.

Dómstólar í Barein dæmdu hann nýlega í lífstíðar fangelsi fyrir að hafa reynt að steypa konungsfjölskyldu landsins af stóli.

Þá var hann sakaður um að hafa aðstoð andspyrnuhreyfingu Shía múslima í landinu.

Fyrr í dag fór utanríkisráðherra Danmerkur, Villy Soevndal, fram á að Abdulhadi yrði framseldur til Danmerkur.

Handtöku hans hefur verið mótmælt víða um heim og hafa nokkur mannréttindasamtök farið fram á að honum yrði sleppt.

Abdulhadi hefur verið í hungurverkfalli síðustu 58 daga. Hann var fluttur á sjúkrahús í gær þar sem honum er nú gefin næring í æð.

Samkvæmt breska ríkisútvarpinu er hann bráðri í lífshættu.