Ajax svo gott sem orðið hollenskur meistari

Þrír leikir fóru fram í hollensku úrvalsdeildinni í dag en þar ber helst að nefna sigur Ajax á Twente en eftir leiki dagsins hefur Ajax sex stiga forskot á næsta lið og eru því svo gott sem orðnir hollenskir meistarar. Ajax hefur frábæra markatölu og útilokað titillinn renni þeim úr greipum.

Þetta mun verða annað tímabilið í röð sem Ajax verður hollenskur meistari. Kolbeinn Sigþórsson kom inná sem varamaður þegar rúmlega tíu mínútum voru eftir af leiknum.

Theo Janssen og Gregory van der Wiel gerðu mörk Ajax í leiknum. Feyenoord vann fínan sigur á AZ Alkmaar, 1-0, á heimavelli og komst með sigrinum upp í annað sæti deildarinnar en tapið hjá AZ olli því að liðið á ekki lengur möguleika á titlinum þegar tvær umferðir eru enn eftir af deildarkeppninni.

PSV bar síðan sigur úr býtum gegn Roda 3-1 á útivelli.