BBC greinir frá hnífaárásinni á Lagastoð

Breska ríkisútvarpið greinir frá því á vef sínum að Guðni Bergsson hafi verið stunginn í lærið þegar hann reyndi að koma samstarfsmanni sínum til varnar á lögfræðistofunni Lagastoð.

Þannig er sagt frá því á íþróttavef BBC að Guðni hafi verið stunginn tvívegis í lærið þegar Guðgeir Guðmundsson réðist á framkvæmdastjóra fyrirtækisins á mánudaginn vopnaður veiðihníf, að því er virðist að tilefnislausu.

Guðni var, eins og kunnugt er, knattspyrnumaður hjá Bolton og Tottenham í Bretlandi.

Sá sem varð fyrir árásinni liggur þungt haldinn á gjörgæslu Landspítalans og er enn í lífshættu.