John Henry, eigandi Liverpool, sendi stuðningsmönnum Liverpool opið bréf í vikunni. Nú hefur hann gert það sama til stuðningsmanna hafnaboltaliðsins Boston Red Sox.
Í Liverpool-bréfinu sagði hann meðal annars að ætlunin væri að setja ekki félagið á hausinn með slæmum fjárfestingum. Hugsunin væri að byggja upp lið til framtíðar.
Það kvað við annan tón í Red Sox-bréfinu, þar sem Henry hét því að Red Sox myndi ekki spara við útgjöldin og að liðið yrði áfram með næsthæstu launaskrá allra liða í bandarísku deildinni.
„Við munum sinna þessari íþrótt alla daga ársins. Við erum enn staðráðnir í því að vinna titla með Red Sox," skrifaði Henry.
Liverpool hefur ekki byrjað vel á tímabilinu í Englandi og er í fallsæti með eitt stig eftir þrjár umferðir. Liðið náði ekki að styrkja sig á lokadögum félagaskiptagluggans eins og forráðamenn liðsins ætluðu sér að gera.
Breiðablik
Valur
