Berlusconi stendur keikur þrátt fyrir mótmæli

Silvio Berslusconi forsætisráðherra Ítalíu lætur engan bilbug á sér finna þrátt fyrir gríðarleg mótmæli gegn honum síðustu daga. Hann er hvattur til að segja af sér en hann hefur verið sakaður um að hafa átt samræði við vændiskonu undir lögaldri.

Berlusconi vísar þessum ásökunum á bug og segist bera virðingu fyrir konum. Mótmælin gegn Berlusconi eru talin þau fjölmennustu á Ítalíu í áratugi en mikill fjöldi, allt að milljón manns, tók þátt í mótmælagöngum víðsvegar um Ítalíu í gær.