Kom sjálfur upp um marijúanaræktunina

Robert Michelson nemandi í háskóla í Connecticut í Bandaríkjunum kom sjálfur upp um marijúanaræktun sína á dögunum.

Robert hringdi í neyðarnúmerið 911á dögunum og spurði að því hversu alvarlegt það væri að rækta marijúana í heimahúsi. Þegar starfsmaður neyðarlínunnar tjáði honum að hann yrði handtekinn, þakkaði hann fyrir og lagði á.

Starfsmaður neyðarlínunnar lét lögregluna vita sem rakti símtalið og fór á heimili hans. Þar fann lögreglan öll tæki og tól til marijúanaræktunar og þá var eitthvað af plöntum komnar langt á veg á heimili hans.

Hann var færður á lögreglustöð og eftir skýrslutöku var hann látinn laus gegn tryggingu. Hann mun mæta fyrir dómara á næstu vikum.