Tíbetar mótmæla á Indlandi

Hópur af ungum tíbetskum aðgerðarsinnum í útlegð safnaðist saman fyrir framan kínverska sendiráðið í Nýja Delí á Indlandi í dag og mótmæltu mannréttindabrotum í Tíbet. Tilefnið er að núna í mars eru 3 ár liðin frá uppþotunum í Lhasa, höfuðborg Tíbet, sem urðu að minnsta kosti 22 manns að bana.

Tíbetskir mannréttindahópar segja að tæplega 140 Tíbetar hafi látist þegar Kínverjar bældu niður óeirðirnar með hervaldi fyrir þremur árum síðan.

Mótmælendur í dag báru tíbetska fána og hrópuð að sendiráðinu að þeir vildu frelsi. Lögreglan bar mótmælendur burt og hópaði þeim saman í rútu.

Deilurnar snúast um að Tíbetar segjast hafa verið sjálfstæð þjóð þar til kommúnísk herlið gerðu innrás í landið 1950 á meðan Kínverjar segja landsvæðið hafa verið part af landi þeirra í aldaraðir.

Andlegur þjóðarleiðtogi Tíbeta Dalai Lama flúði frá Tíbet til Indlands 1959 eftir misheppnaða uppreisn gegn Kínverjum og þar hefur hann dvalist alla tíð síðan og haldið uppi svokallaðri sjálfskipaðir ríkisstjórn Tíbeta.

Hvergi eru fleiri Tíbetar í útlegð en á Indlandi og aðgerðarsinnar halda því fram að Tíbetar séu kúgaðir af kínverskum stjórnvöldum og krefjast sjálfstæðis.