Hugrás vekur athygli á Jesú og Jóni Sigurðssyni

Þeir Jesú og Jón Sigurðsson eiga það sameiginlegt að vera meðal viðfangsefna í veffyrirlestrum sem opnaðir voru í dag á Hugrás, vefriti Hugvísindasviðs. Með þessu framtaki, sem er liður í aldarafmælsidagskrá Háskóla Íslands, opnar Hugvísindasvið fyrir aðgang allra að fjölbreyttu efni í flutningi fræðimanna sviðsins.

Nemendur í námskeiðinu Myndir og miðlun í hagnýtri menningarmiðlun unnu að gerð fyrirlestranna en umsjónarkennari námskeiðsins er Halla Kristín Einarsdóttir. Fyrirlestrarnir eru hver um sig um 30 mínútur að lengd og eru blandaðir myndefni. Í tilkynningu frá Háskóla Íslands kemur fram að ef þessi tilraun heppnast vel má gera ráð fyrir að slíkir veffyrirlestrar verði reglulega í boði.

Veffyrirlestrarnir eru níu talsins og efni þeirra er fjölbreytt og spannar flest svið hugvísinda. Veffyrirlestrana má nálgasta á neðangreindri slóð:

https://www.hugras.is/2011/03/veffyrirlestrar-opnadir-a-hugvisindathingi/