Byssumaðurinn frá Arizona sýnir enga iðrun

Byssumaðurinn Jared Loughner, sem skaut bandarísku þingkonuna Gabrielle Giffords í höfuðið á dögunum, er miskunnarlaus morðingi. Þetta segja fangaverðir sem hafa umsjón með Jared þar sem honum er haldið föngnum í Arizona.

Sex manns misstu lífið og fjórtán særðust þegar Jared gekk berserksgang í matvöruverslun í Tucson þann 8. janúar. Meðal hinna særðu var þingkonan Gabriella Giffords en árásin beindist að henni.

Blaðið New York Post hefur eftir starfsmanni í fangelsinu að augu Jared séu „dauð" og lesa megi úr þeim „hreina illsku".

„Hann sýnir enga iðrun. Hann grætur ekki," er haft eftir Beverly Gomez sem heimsótti ættingja sinn í fangelsið og spurði fangavörð út í ódæðismanninn frá Arizona. Hann fékk einnig þær upplýsingar að Jared sé haldið í einangrun 23 tíma á dag en þegar honum sé hleypt út sé hann í fylgd sex varða.

Sú tilvist sem bíður Jared er harla óhrjáleg. Hans bíður þyngsta mögulega refsing fyrir glæp sinn. Samkvæmt New York Post er fangaklefi Jared kallaður „holan".