Lenti í þriðja sætinu í París

„Þetta er í annað skipti sem ég tek þátt og minn besti árangur hingað til," segir Yesmine Olsson, sem hreppti bronsverðlaun fyrir nýjustu matreiðslubók sína í keppninni Gourmand World Cookbook Awards í París á dögunum.

Aldrei hafa jafn margir keppendur frá jafn mörgum löndum tekið þátt í matreiðslubókakeppninni, sem er sú stærsta sinnar tegundar. Yesmine vann til verðlauna í flokknum besta indverska matreiðslubókin og hún telur árangurinn opna möguleika á frekari bókaútgáfu erlendis.