Beckham útskýrir nafnið Harper Seven - nýir skór

Það hefur ekki farið framhjá neinum að Beckham-hjónin David og Victoria eignuðust dóttur fyrir skömmu. Snótin hlaut nafnið Harper Seven og hafa verið uppi getgátur um tilurð nafnsins.

Í nýlegu viðtali útskýrir David Beckham ástæðuna fyrir nafninu. Harper sé gamalt enskt nafn sem þau séu mjög hrifin af. Þá sé Victoria mikill aðdáandi bókarinnar „To kill a mockingbird" en höfundur hennar er Harper Lee.

Knattspyrnukempan útskýrir Seven nafnið með dæmum á borð við „sjö undur veraldar", „sjö litir regnbogans" og talan sé lukkutala í mörgum samfélögum heimsins.

„Við elskum nafnið. Við elskum Harper Seven," segir David Beckham.

Þá hafa náðst myndir af nýjum skóm Beckham. Á skóna eru rituð nöfn barnanna fjögurra í aldursröð.