Innlent

Vopnaðir sérsveitamenn í Bryggjuhverfi

Jón Hákon Halldórsson skrifar
Lögreglan var með mikla vakt í Bryggjuhverfinu í kvöld.
Lögreglan var með mikla vakt í Bryggjuhverfinu í kvöld. mynd/ egill.
Vopnaðir sérsveitarmenn á vegum lögreglunnar hafa gert mikla leit að byssumönnum í Bryggjuhverfinu í kvöld. Þeir eru grunaðir um að hafa skotið á bíl við Sævarhöfða um tíuleytið.

Að sögn sjónarvotts sem fréttastofa Stöðvar 2 og Vísis talaði við fóru sérsveitamennirnir inn í hús í Bryggjuhverfinu fyrr í kvöld með vopn og skildi en komu aftur út úr húsinu nokkru seinna án þess að hafa handtekið neinn, að því er virtist. Þá lokaði lögreglan öllum leiðum út úr Bryggjuhverfinu. Sérsveitin er enn að leita að mönnum í hverfinu.

Fréttastofa Stöðvar 2 og Vísis hefur rekist á að minnsta kosti þrjá merkta lögreglubíla og einn sérsveitarbíl í austurhluta borgarinnar eftir að tilkynnt var um skotárásina um tíuleytið í kvöld.

Lögreglan hefur enn ekki viljað gefa neinar upplýsingar um atvikið.


Tengdar fréttir

Gríðarlegur viðbúnaður vegna skotárásar

Lögreglumenn vakta enn svæðið þar sem grunur leikur á að skotið hafi verið á bíl klukkan tíu í kvöld. Tilkynnt var um skotárásina laust eftir klukkan tíu og fóru lögreglumenn umsvifalaust á vettvang. Þeir lögreglumenn sem fréttastofa Stöðvar 2 og Vísis hefur rætt við hafa ekkert viljað segja um gang mála. Fréttavefur Morgunblaðsins fullyrðir að sérsveitarmenn frá Ríkislögreglustjóra leiti skotárásarmannsins núna. Svo virðist sem engan hafi sakað í skotárásinni.

Skotið á bíl við Sævarhöfða

Skotið var á bíl við bílaumboð Ingvars Helgasonar og B&L við Sævarhöfða í Reykjavík um tíuleytið í kvöld. Fréttavefur Morgunblaðsins fullyrðir að sérsveit ríkislögreglustjóra hafi verið kölluð út vegna málsins. Þegar Vísir hafði samband við lögreglu vildi hann ekkert láta hafa eftir sér um málið.

Mest lesið


Fleiri fréttir

Sjá meira


×

Mest lesið