NATO reisir glæsibyggingar í Brussel

„Það var búið að ákveða þetta fyrir mörgum árum, löngu áður en kreppan skall á," sagði Oana Lungescu, talskona Atlantshafsbandalagsins, um nýju höfuðstöðvarnar sem reistar verða í Brussel.

Framkvæmdirnar munu kosta nærri 160 milljarða króna, og segja gagnrýnendur þarna óþarflega mikið í lagt á tímum aðhalds og sparnaðar.

Byggingarnar eiga að vera tilbúnar árið 2015, en frá 1966 hefur NATO haft höfuðstöðvar í húsnæði sem átti að vera til bráðabirgða. Lungesu segir mikinn viðhaldskostnað sparast þegar flutt verði í nýja hús­næðið.

„Við erum ekki að eyða meira, heldur minna," sagði Lungescu.

- gb