Norður-Kórea heldur upp á afmæli Kim Jong-il

Mikil hátíðarhöld eru við það að hefjast í Norður-Kóreu en tilefnið er 69 ára afmæli einræðisherrans, Kim Jong-il. Meðal viðburða sem verða í höfuðborg landins, Pyongyang, eru tónlistarviðburðir, ísskautasýning og fimleikar.

Að sjálfsögðu verða allir viðburðirnir hinir glæsilegustu eins og venjan er í Norður-Kóreu. Þá hafa blómaræktendur ræktað nýtt blóm sem hefur verið nefnt í höfuðið á leiðtoganum. Kim Jong-il fékk heilablóðfall fyrir tveimur árum síðan en leiðtoginn hefur þegar útnefnt yngsta son sinn sem arftaka ríkisins.