Enn ekkert vitað hvað olli áverkunum

Enn hafa engar vísbendingar fundist um hvað olli því að kona fannst með alvarlega áverka í bifreið við Einholt í Reykjavík þann 27. febrúar.

Mikið var fjallað um málið í fréttum í gær en sú umfjöllun hefur engum haldbærum vísbendingum skilað til lögreglu.

Árni Vigfússon, lögreglumaður hjá lögreglunni á höfuðborgarsvæðinu, segir að málið verði áfram til skoðunar en það sé erfitt viðureignar. „Það veit enginn hvað gerðist þarna á milli og enginn hefur gefið sig fram sem hefur séð hana," segir Árni.

---------

Viðbót kl. 17:49

Eftir að fréttin birtist fyrst hafði aðstandandi stúlkunnar samband og sagði að skýrslur lækna við útskrift konunnar af sjúkrahúsi bendi til þess að konan hafi orðið fyrir alvarlegri líkamsárás.