Sumarbústaðir miklu eftirsóttari en áður

Spurn eftir sumarbústöðum hjá stéttarfélögum er orðin svo mikil að stéttarfélögin anna henni engan veginn. Sum stéttarfélaganna eru þess vegna farin að bregða á það ráð að óska eftir sumarbústöðum á leigu sem þau geta svo framleigt til félagsmanna sinna. Bandalag háskólamanna auglýsti til að mynda eftir bústöðum í þessari viku.

Umsóknum um sumarbústaði hjá BHM hefur fjölgað gríðarlega og lætur nærri að einungis einn af hverjum þremur sem sækir um bústað fái úthlutað. Í sumar bárust 1622 umsóknir um bústaði en 650 fengu úthlutað. Í fyrra bárust 1704 umsóknir en 621 fékk úthlutað.

Árið 2008 bárust einungis 979 umsóknir um sumarbústaði.  Aukningin frá þeim tíma er um 34%. Ekki er fullvíst hvað veldur aukningunni, en hugsanlegt er að landinn kjósi frekar að ferðast innanlands þessi misserin en að fara í dýrar ferðir til útlanda.