Viktoría á von á stelpu - draumurinn að rætast

Viktoría Beckham hefur fengið ósk sína uppfyllta því hún og eiginmaður hennar, David Beckham, eiga von á stelpu. Í síðasta mánuði tilkynnti Viktoría að hún væri ófrísk og í sextán vikna sónar nýlega kom í ljós að barnið sem hún ber undir belti er stúlka.

„David og Viktoría eru í skýjunum. Þetta verður síðasta barnið þeirra, draumar þeirra hafa ræst," segir vinur hjónanna við blaðið The Sun.

Fyrir eiga þau synina Brooklyn, 11 ára, Rómeó, 8 ára og Cruz, 5 ára.

Viktoría hefur ekki leynt því að henni hefur langað í stelpu enda á hún þrjá stráka. „Ég gæti hugsað mér að naglalakka hana, hjálpa henni að mála sig og velja föt með henni," sagði hún í viðtali fyrir nokkrum árum.