Dularfullt hvarf styttu af Konfúsíusi veldur vangaveltum

Dularfullt hvarf tæplega 10 metra háar styttu af Konfúsíusi frá Torgi hins himneska friðar í Bejing hefur valdið miklum vangaveltum.

Stytta þessi var afhjúpuð með mikilli viðhöfn fyrr í vor. Henni var valinn virðingarverður staður fyrir framan Þjóðminjasafn Kína beint á móti grafhýsi Maó formanns. Íbúar Bejing vöknuðu upp við það einn morgun í síðustu viku að styttan var horfin.

Fjallað er um málið í tímaritinu The Economist. Þar segir að opinberir fjölmiðla í Kína útskýri hvarfið með því að segja að styttan hafi aldrei átt að standa þarna. Hún eigi að vera í afgirtum garði við hlið torgsins og hafi verið sett upp til bráðabirgða fyrir framan Þjóðminjasafnið meðan verið var að undirbúa plássið í garðinum. Enginn trúir þessu.

Konfúsíus sem var uppi á fimmtu öld fyrir Krist er þekktasti heimspekingur Kína og vinsældir hans meðal þjóðarinnar hafa vaxið hröðum skrefum undanfarin ár. Kínverskir ráðamenn eru hrifnir af sumu í kenningum hans eins og félagslegum stöðugleika og samhljóm innan fjölskyldunnar. Annað fer ekki eins vel í ráðamennina það er hlutir eins og ábyrgð stjórnvalda gangvart þegnum sínum og það að menn eigi að ávinna sér rétt til að stjórna öðrum með siðferðilegum lifnaðarháttum.