Sprengjuhótun í Moskvu

Þrjár lestarstöðvar voru rýmdar í Moskvu í morgun eftir að lögreglunni barst sprengjuhótun í gegnum síma. Við inngang einnar lestarstöðvarinnar fannst grunsamleg taska en við nánari skoðun reyndist ekki vera sprengja í henni.

Samkvæmt rússneskum fjölmiðlum hefur engin sprengja fundist þrátt fyrir ítrekaða leit á lestarstöðvunum þremur og leitar nú á öðrum lestarstöðvum í borginni.

Sprengjuhótanir eru algengar í borginni en fyrir tveimur vikum síðan létu 36 manns lífið eftir sjálfsmorðssprengjuárás á flugvelli í borginni.