Hermann Fannar látinn

Maðurinn sem fannst látinn í Hafnarfirði í fyrrakvöld hét Hermann Fannar Valgarðsson. Hann var 31 árs gamall og lætur eftir sig eiginkonu og fjögurra ára gamlan son.

Hermann starfaði fyrir vefþjónustufyrirtækið Skapalón en hann var einnig annar eiganda Nýlenduvöruverzlunar Hemma og Valda á Laugavegi. Þá var hann einnig annar eiganda kaffihússins Tíu dropa, ferðaþjónustufyrirtækisins Reykjavík Backpackers og tölvuþjónustufyrirtækisins Macland. Hermann Fannar starfaði einnig sem útvarpsmaður á útvarpstöðinni X-inu 977 frá árinu 1998 með hléum.

Hermann Fannar var búsettur í Hafnarfirði og var mikill stuðningsmaður FH en í gærkvöldi var haldin samverustund í Kaplakrika og einnig í Fríkirkjunni í Hafnarfirði. Leik FH og Hauka sem átti að fara fram í kvöld hefur verið frestað vegna fráfalls hans.