Enn finnast fjöldagrafir í Mexíkó

Fjöldagröf fannst í Mexíkó síðustu helgi. Gröfin var fyrir utan smábæ nærri landamærum Bandaríkjanna og Mexíkó. Alls voru 16 lík í gröfinni.

88 lík hafa fundist í fjöldagröfum í Mexíkó undanfarnar vikur. Þannig fundust 59 lík í átta fjöldagröfum í síðustu viku.

Lögreglan hefur handtekið á annan tug manna vegna grafanna sem tengjast harðvítugu fíkniefnastríði í Mexíkó.

Fjöldagrafir eru ekki nýjar af nálinni í landinu. Á síðasta ári fundust 72 lík í einni fjöldagröf.