Jón Guðni vildi ekki fara til Grikklands - hafnaði AEK

Framarinn Jón Guðni Fjóluson hefur hafnað tilboði frá gríska félaginu AEK Aþenu en Grikkirnir, sem eru með Arnar Grétarsson sem yfirmann knattspyrnumála, voru búnir að ná samkomulagi við Fram. Þetta kemur fram í Morgunblaðinu í dag.

Jón Guðni er 21 árs gamall og getur bæði spilað sem miðjumaður og sem miðvörður. Hann spilaði frábærlega með Framliðinu í sumar og var einnig í stóru hlutverki hjá 21 árs landsliðinu sem tryggði sér sæti í úrslitakeppni EM

Jón Guðni hefur verið til reynslu hjá þýsku liðunum Bayern Munchen og Fortuna Dusseldorf og hollenska liðinu PSV Eindhoven.